शेतशाळा

बिना बापाच्या पोरींची

काय होणार हो शाळा ,

शेतात आई माग राबताना

त्यांच आयुष्य झाला मळा !!

शाळेशी मनातून नात

सुट्ट सुट्ट होत गेल ,

तिच्या हातात खुरप

घट्ट घट्ट होत गेल !!

लांडग्यांच्या या जगात

आईन मुक्त वावरू दिल नाही ,

म्हणून त्यांच्यातल पाखरू

फारस उडत झाल नाही !!

पतीच्या घरी मन अंगही तसच जळू लागल ,

सासर माहेर असत खर काय ते आता कळू लागल !!

ती भरत राहीली पाणी

तरी सार रान करपत गेल ,

सुखच तेह्वा वाटल

आसवातून झिरपत गेल !!

मोठ्या बापाची लेक

अशा घरात नांदली नसती ,

असता बाप तिला जर

त्यान अशा घरात दिला नसती !!

तिची 'शेतशाळा 'झाली नसती -

तिला जड़ फार गेल असत ,

जीवघेण्या उन्हात तेव्हा

पावसात कोणी नेल असत ?

-उषातनय